ബെംഗളൂരു: ജയിലിൽ കഴിയുന്ന കന്നഡ നടൻ ദർശൻ തൂഗുദീപയുടെ അഭ്യർത്ഥനയെത്തുടർന്ന് സെല്ലിൽ ടെലിവിഷൻ നൽകുമെന്ന് അധികൃതർ അറിയിച്ചതായി റിപ്പോർട്ട്.
രേണുകസ്വാമി വധക്കേസിലെ ദർശൻ ഉൾപ്പെടെ 17 പ്രതികൾക്കെതിരെ 3,991 പേജുള്ള കുറ്റപത്രമാണ് ബെംഗളൂരു പൊലീസ് ബുധനാഴ്ച സമർപ്പിച്ചത്.
ആഗസ്ത് 29 ന്, നടനെ ബംഗളൂരുവിലെ പരപ്പന അഗ്രഹാര സെൻട്രൽ ജയിലിൽ നിന്ന് ബല്ലാരിയിലേക്ക് മാറ്റി, ജയിലിൻ്റെ പുൽത്തകിടിയിൽ ഒരു ഗുണ്ട ഉൾപ്പെടെ മറ്റ് മൂന്ന് പേർക്കൊപ്പം കറങ്ങിനടക്കുന്ന ഫോട്ടോ വൈറലായതിനെ തുടർന്ന് നടനെ ജയിലിൽ നിന്നും മാറ്റിയതായാണ് റിപ്പോർട്ടുകൾ വന്നത്.
“തൻ്റെ കേസുമായി ബന്ധപ്പെട്ട സംഭവവികാസങ്ങളെക്കുറിച്ച് സ്വയം അപ്ഡേറ്റ് ചെയ്യാനും പുറം ലോകത്തെ സംഭവവികാസങ്ങളെക്കുറിച്ച് സ്വയം അറിയിക്കാനും കഴിഞ്ഞ ആഴ്ച സെല്ലിൽ ഒരു ടിവി അഭ്യർത്ഥിച്ചിരുന്നു.
അതിനാൽ, നടപടിക്രമങ്ങളും ജയിൽ മാർഗ്ഗനിർദ്ദേശങ്ങളും അനുസരിച്ച്, അദ്ദേഹത്തിന് ഒരു ടെലിവിഷൻ നൽകും. തിങ്കളാഴ്ചയോടെ അദ്ദേഹത്തിൻ്റെ സെല്ലിൽ എത്താൻ സാധ്യതയുണ്ടെന്നുമാണ് ഒരു മുതിർന്ന ജയിൽ ഉദ്യോഗസ്ഥൻ മാധ്യമങ്ങളോട് അറിയിച്ചത്.
കേസിൽ പ്രതികളായ സുഹൃത്ത് പവിത്ര ഗൗഡയും മറ്റ് 15 പേരും ഇപ്പോൾ സംസ്ഥാനത്തെ വിവിധ ജയിലുകളിൽ ജുഡീഷ്യൽ കസ്റ്റഡിയിലാണ്.
നടൻ്റെ ആരാധകനായ രേണുകസ്വാമി (33) പവിത്രയ്ക്ക് അശ്ലീല സന്ദേശങ്ങൾ അയച്ചതാണ് ദർശനെ പ്രകോപിപ്പിച്ചതെന്നും ഇത് കൊലപാതകത്തിലേക്ക് നയിച്ചെന്നും പോലീസ് വൃത്തങ്ങൾ അറിയിച്ചു.
ചിത്രദുർഗയിലെ ദർശൻ്റെ ഫാൻസ് ക്ലബ്ബിൻ്റെ ഭാഗമായ പ്രതികളിലൊരാളായ രാഘവേന്ദ്രയാണ് രേണുകസ്വാമിയെ കാണണമെന്ന് പറഞ്ഞ് ബംഗളൂരുവിലെ ആർആർ നഗറിലെ ഷെഡിലേക്ക് കൊണ്ടുവന്നത്. ഈ ഷെഡിൽ വെച്ച് ആക്രമിക്കുകയും കൊലപ്പെടുത്തുകയും ചെയ്തെന്നാണ് കേസ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
